وزیر توانائی سندھ امتیاز شیخ نے توانائی بحران پر وفاقی وزیر تونائی حماد اظہر سے مستعفی ہونے کا مطالبہ کردیا۔
چہرہ ڈیسک
وزیر توانائی
سندھ امتیاز شیخ نے توانائی بحران پر وفاقی وزیر
تونائی حماد اظہر سے مستعفی ہونے کا مطالبہ کردیا۔
وزیر توانائی
سندھ امتیاز شیخ کا کہنا ہے کہ نیپرا رپورٹ موجودہ حکومت کے خلاف چارج شیٹ
ہے۔ چار معاونین خصوصی کے مستعفی ہونے کے
باوجود توانائی بحران مزید شدت اختیار کر رہا ہے۔ نیپرا نے اپنی رپورٹ میں واضح کر
دیا ہے کہ حکومت ایل این جی کے بجائے فرنس آئل سے مہنگی بجلی بنا رہی ہے۔ حکومت
فرنس آئل سے بجلی بنا کر اپنے اے ٹی ایمز کی جیبوں کو بھر رہی ہے ۔ امتیاز شیخ کا
کہنا ہے کہ وفاقی وزیر اپنی نااہلی اور ناکامی کا اعتراف کرنے کے بجائے نیپرا
رپورٹ کو مسترد کر رہے ہیں ۔ مسلسل غلط فیصلوں کی وجہ سے گرمیوں میں گیس اور بجلی
کی لوڈشیڈنگ کا عذاب قوم کو بھگتنا پڑا ۔ سردیوں میں گیس بحران مزید شدت اختیار کر
جائے گا ۔
