کراچی شادمان ٹاؤن میں علی الصبح وارداتیں کرنے والاگروہ علاقہ مکینوں کے لئے خوف کی علامت بن گیا ۔ ملزم شہری سے چھینا ہوا بیگ کمر پر لٹکائے دندناتے رہے ۔ تین رکنی اسٹریٹ کرمنلز کی ایک اور واردات کی سی سی ٹی وی فوٹیج منظر عام پر آگئی ۔ سی سی ٹی وی میں دیکھا جاسکتا ہے کہ ملزم بے خوفی سے رہائشی میں علاقے میں گھومتے اور لوٹ مار کرتے رہے ۔ دونوں سی سی ٹی وی فوٹیجز 19 جولائی کی صبح کی ہیں،ملزم شہری سے چھینا ہوا بیگ کمر پر لٹکائے دندناتے رہے ۔ دونوں وارداتوں میں ملوث مسلح ملزم دوران واردات ایک ہی انداز میں چہرہ رومال سے چھپانے کی کوشش کرتا رہا ۔ دیکھا جاسکتا ہے کہ ملزم نے راہگیر خاتون سے پرس چھینا ،موٹرسائیکل پر جانے والے نوجوان کو روک کر بھی لوٹ مار کی ۔ ہم نیوز نے دو روز قبل بھی تین رکنی اسٹریٹ کرمنلز گروہ کی جانب سے علی الصبح وارداتیں کرنے کی نشاندہی کی تھی ۔ پولیس کے مطابق وارداتیں شادمان ٹاؤن کی بتائی جاتی ہیں مگر متاثرین نے رپورٹ درج نہیں کرائی
چہرہ ڈیسک 
