ملک کے بڑے آبی ذخائر میں پانی کی صورتحال
چہرہ ڈیسک
ملک کے بڑے آبی ذخائر میں پانی کی صورتحال، واپڈا کی تازہ رپورٹ جاری
اسلام آباد: ترجمان واپڈا کے مطابق ملک کے اہم آبی ذخائر اور دریاؤں میں پانی کی آمد و اخراج کے تازہ ترین اعداد و شمار جاری کر دیے گئے ہیں۔ تربیلا، منگلا، چشمہ، ہیڈ مرالہ اور نوشہرہ سمیت مختلف مقامات پر پانی کی سطح اور بہاؤ معمول کے مطابق ہے۔
تربیلا کے مقام پر دریائے سندھ میں پانی کی آمد ایک لاکھ 86 ہزار 100 کیوسک جبکہ اخراج ایک لاکھ 81 ہزار 400 کیوسک ریکارڈ کیا گیا۔ منگلا کے مقام پر دریائے جہلم میں پانی کی آمد 43 ہزار 300 کیوسک اور اخراج 8 ہزار کیوسک رہا۔
چشمہ بیراج میں پانی کی آمد 2 لاکھ 52 ہزار 200 کیوسک اور اخراج 2 لاکھ 38 ہزار 700 کیوسک بتایا گیا۔ ہیڈ مرالہ پر دریائے چناب میں پانی کی آمد ایک لاکھ 91 ہزار 900 کیوسک اور اخراج ایک لاکھ 85 ہزار 400 کیوسک رہا۔
نوشہرہ کے مقام پر دریائے کابل میں پانی کی آمد و اخراج برابر یعنی 33 ہزار 400 کیوسک ریکارڈ کیا گیا۔
پانی کے ذخائر کی صورتحال کے مطابق تربیلا ریزروائر میں پانی کی سطح 1550.00 فٹ اور ذخیرہ 57 لاکھ 28 ہزار ایکڑ فٹ ہے۔ منگلا ریزروائر میں سطح 1222 فٹ اور ذخیرہ 57 لاکھ 82 ہزار ایکڑ فٹ جبکہ چشمہ ریزروائر میں سطح 647 فٹ اور پانی کا ذخیرہ 2 لاکھ 12 ہزار ایکڑ فٹ ہے۔
ترجمان واپڈا کے مطابق موجودہ صورتحال زرعی ضروریات کے لیے اطمینان بخش ہے اور تمام ادارے پانی کی نگرانی کے عمل میں متحرک ہیں۔
