پاک بحریہ نے سیلاب متاثرین کے لئے امدادی آپریشن سندھ سے پنجاب اور خیبرپختونخوا تک بڑھا دیا۔
نزاہت خان
پاک بحریہ نے سیلاب متاثرین کے لئے امدادی آپریشن سندھ سے پنجاب اور خیبرپختونخوا تک بڑھا دیا۔
پھنسے ہوئے افراد کو ریسکیو کرنے ، خوراک ،پانی
اور دیگر ضروریات زندگی فراہم کی جارہی ہیں۔
ترجمان پاک بحریہ کےمطابق سانگھڑ، میہڑ، سلطان
کوٹ، شاہ بندر، دولت پور، چوھڑجمالی، سجاول، ٹھٹھہ سمیت دیگر علاقوں میں امدادی
آپریشن جاری ہے۔
پاک بحریہ نے سندھ کے ساتھ ساتھ امدادی کاروائیوں
کا دائرہ پنجاب اور خیبر پختونخوا کے سیلاب زدہ علاقوں تک بڑھا دیا ہے۔پاک بحریہ
کے جوان کشتیوں اور ہیلی کاپٹرز کے ذریعے سیلاب زدہ علاقوں میں پھنسے افراد کو
محفوظ مقامات پر منتقل کر رہے ہیں۔
متاثرین میں راشن بیگ، تیار کھانا، پانی اور دیگر
ضروریات زندگی فراہم کی جارہی ہیں۔
راجن پور، سانگھڑ اور ڈی آئی خان میں میڈیکل کیمپس
کے علاوہ موبائل میڈیکل ٹیمیں بھی کام کر
رہی ہیں۔
پاک بحریہ کے جوانوں نے ڈیرہ اسماعیل خان میں
چشمہ روڈ کی عارضی مرمت کے بعد اسے عام ٹریفک
کے لئے کھول دیا۔
