وائلڈ لائف رینجرز کی کارروائی، نایاب نسل کا پینگولن برآمد
چہرہ ڈیسک
راولپنڈی: وائلڈ لائف رینجرز کی کارروائی، نایاب نسل کا پینگولن برآمد
راولپنڈی — وائلڈ لائف رینجرز نے ایک کامیاب کارروائی کے دوران نایاب نسل کے پینگولن کو غیر قانونی فروخت سے بچا لیا۔ کارروائی سوشل میڈیا پر پینگولن کی فروخت کی خبر سامنے آنے کے بعد عمل میں لائی گئی، جس پر فوری تحقیقات کی گئیں۔
رینجرز نے تین افراد کو گرفتار کیا جو غیر قانونی طور پر پینگولن کی خرید و فروخت میں ملوث تھے۔ گرفتار ملزمان نے دورانِ تفتیش اعتراف کیا کہ انہوں نے پینگولن کو 60 ہزار روپے میں فروخت کرنے کی کوشش کی۔ حکام نے ملزمان کے خلاف چالان درج کرکے مجموعی طور پر 90 ہزار روپے جرمانہ عائد کیا۔
محکمہ وائلڈ لائف نے برآمد شدہ پینگولن کو قدرتی ماحول میں واپس چھوڑ دیا، تاکہ وہ اپنی فطری زندگی جاری رکھ سکے۔ حکام کا کہنا ہے کہ نایاب نسل کے جانوروں کی غیر قانونی تجارت کے خلاف کارروائیاں جاری رہیں گی۔
