ٹی 20 ورلڈ کپ: سیمی فائنل کی امید دم توڑ گئی، مگر پاکستان کا فاتحانہ اختتام
چہرہ ڈیسک
ٹی 20 ورلڈ کپ: سیمی فائنل کی امید دم توڑ گئی، مگر پاکستان کا فاتحانہ اختتام
ٹی 20 ورلڈ کپ میں پاکستان کا سفر اختتام پذیر، لیکن آخری میچ میں شاندار کارکردگی نے شائقین کے دل جیت لیے۔ نیوزی لینڈ نے سیمی فائنل کے لیے کوالیفائی کر لیا جبکہ پاکستان ٹورنامنٹ کی دوڑ سے باہر ہوگیا۔
میچ کی جھلکیاں:
پاکستان نے پہلے کھیلتے ہوئے مقررہ اوورز میں 8 وکٹوں کے نقصان پر 212 رنز کا پہاڑ جیسا ہدف دیا۔ ہدف کے تعاقب میں سری لنکن ٹیم 207 رنز بنا سکی اور یوں پاکستان نے 5 رنز سے میچ اپنے نام کیا۔
صاحبزادہ فرحان کے تاریخی ریکارڈز:
آج کا دن پاکستان کے سٹار بیٹر صاحبزادہ فرحان کے نام رہا، جنہوں نے سری لنکا کیخلاف 59 گیندوں پر شاندار سنچری اسکور کی۔
ورلڈ ریکارڈ 1: ٹی 20 ورلڈ کپ کی تاریخ میں 2 سنچریاں اسکور کرنے والے پہلے کھلاڑی بن گئے۔ (اس سے قبل نمیبیا کیخلاف سنچری بنائی تھی)۔
ورلڈ ریکارڈ 2: کسی بھی ایک ٹی 20 ورلڈ کپ میں سب سے زیادہ رنز بنانے والے بیٹر بن گئے۔
دیگر کارکردگی:
بلے بازی: فخر زمان نے 84 رنز کی دھواں دار اننگز کھیلی، جبکہ شاہین آفریدی نے 4 رنز بنائے۔
کپتان اور مڈل آرڈر ناکام: خواجہ نافع (2)، محمد نواز اور کپتان سلمان علی آغا بغیر کوئی رن بنائے پویلین لوٹ گئے۔
بولنگ: پاکستان کی جانب سے ابرار احمد نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا۔
سری لنکا کی مزاحمت:
سری لنکا کی جانب سے داسن شناکا نے 76 رنز اسکور کیے، مگر وہ اپنی ٹیم کو جیت نہ دلوا سکے۔
