امروہہ کی مٹی سے تخلیق کی خوشبو آتی ہے
عمران
آرٹس کونسل آف پاکستان کراچی کی جانب سے معروف مصور شان امروہوی کے فن پاروں کی نمائش میں رکھے گئے
فن پاروں نے سب کو سوچنے پر مجبور کردیاہے۔ صدر آرٹس کونسل محمد احمد شاہ کہتے ہیں کہ امروہہ کی مٹی سے تخلیق کی خوشبو آتی ہے
رنگ جو قدرت کے حسن کے ترجمان ہے انہی رنگوں کی آمیزش سے آرٹ گیلری میں فن پاروں کی یہ دنیا سجائی گئی ۔
مصورشان امروہوی کو رنگوں سے کلام کرنے کا ہنربخوبی آتاہے
صدر آرٹس کونسل محمد احمد شاہ نے کہاکہ شان امروہوی بہت خوبصورت کام کرتا ہے۔
یہ اس دنیا کا آدمی ہے جو تاریخ کی جنگیں دکھاتا ہے۔۔
صدر بینک آف پنجاب ظفر مسعود نے کہاکہ یہ محفل شان کے لیے سجی ہے ۔ شان سعادت امروہہ کی جو لیگیسی ہے اس کو آگے لے کر چل رہے ہیں۔۔
آرٹ گیلری میں آئے شرکاء نے ہاتھ سے کھینچی لکیروں میں تاریخ کے جھرونکوں میں رنگ بھرنے والے مصور کے کام کو بےحد سراہا۔
مصور شان امروہوی نے کہاکہ ماضی کی طاقتوں کو بھی میں مختلف انداز میں پینٹ کرتاہوں اس بار بھی کوشش کی ہے۔
آرٹ گیلری میں آئے شرکاء کا کہنا تھاکہ لٹریچر اور اکنامی کا چولی دامن کا ساتھ ہے۔
ہم نے ثقافت کو ہاتھ سے چھوڑ دیا ہے ۔ فن مصوری بہت طاقت ور میڈیم ہے۔
