لاہور سکندرز نےاعصاب شکن مقابلے میں پشاور لائنزکو 2رنز سے ہرا پاکستان چیمپئنز لیگ جیت لی
چہرہ ڈیسک
لاہور سکندرز نےاعصاب شکن مقابلے میں پشاور لائنزکو 2رنز سے ہرا پاکستان چیمپئنز لیگ جیت لی
پشاور لائنز ہدف کے تعاقب میں6وکٹوں پر 217رنز بناسکی، گوہر آفریدی کی سنچری بھی ٹیم کے کام نہ آئی
فیصل آباد
لاہور سکندرز نے اعصاب شکن مقابلے میں پشاور لائنز کو 2رنز سے شکست دیکر دوسری بار پاکستان چیمپئنز لیگ جیت لی۔
پشاور لائنز ہدف کے تعاقب میں6وکٹوں پر 217رنز بناسکی۔ گوہر آفریدی کی132رنز کی شانداراننگز بھی رائیگاں گئی۔
ساجد خان کو آل راؤنڈر پرفارمنس پر میچ کا بہترین کھلاڑی قرار دیا گیا۔
دوسرا انٹر لوپ پاکستان چیمپئنز لیگ 2024 کے فیصلہ کن معرکے میں لاہور سکندرزاور پشاور لائنز مدمقابل ہوئے۔
دفاعی چیمپئن لاہور سکندرز نے پہلے کھیلتے ہوئے 7وکٹوں کے نقصان پر 218رنز بنائے۔
ساجد نے 43گیندوں کی مدد سے86رنز بناکر ناٹ آؤٹ ہوگئے۔
محمد فیض 47، رفاقت حسین نے 27رنز بنائے جبکہ کپتان ذوالفقار سواتی نے دو، مثل خان، گوہر آفریدی اور قیوم نے ایک، ایک وکٹ لی۔
ہدف کے تعاقب میں پشاور لائنز ہد ف کے تعاقب میں6وکٹوں پر 217رنز بناسکی، گوہر آفریدی کی132رنز کی اننگز بھی پشاور کو فتح سے ہمکنار نہ کرسکی۔
مثل خان 30اور عظمت شاہ24 رنز بناسکے جبکہ زوار خان نے دو کھلاڑیوں کو میدان بدر کیا۔ محمد فیض اور ساجد خان اور احسن نے ایک وکٹ لی۔
