ملک بھر میں مون سون بارشوں کی پیشگوئی
چہرہ ڈیسک
ملک بھر میں مون سون بارشوں کی پیشگوئی، لینڈ سلائیڈنگ اور نشیبی علاقوں کے زیرآب آنے کا خدشہ
اسلام آباد: محکمہ موسمیات نے کراچی، لاہور، اسلام آباد، راولپنڈی، پشاور سمیت ملک کے بیشتر علاقوں میں کل سے شدید بارشوں کی پیشگوئی کی ہے۔ مون سون ہوائیں آج شدت کے ساتھ بالائی علاقوں میں داخل ہو رہی ہیں، جو بحیرہ عرب اور خلیج بنگال سے پاکستان میں آ رہی ہیں۔
پنجاب: لاہور، راولپنڈی، گوجرانوالہ، سیالکوٹ، نارووال، فیصل آباد، سرگودھا، خوشاب، میانوالی، بھکر، لیہ، ڈی جی خان، ملتان، مظفرگڑھ، راجن پور، رحیم یار خان
• خیبرپختونخوا: پشاور، چارسدہ، نوشہرہ، مردان، کوہاٹ، ڈیرہ اسماعیل خان، بنوں، لکی مروت، باجوڑ، ایبٹ آباد، مانسہرہ، دیر
• بلوچستان: کوئٹہ، ژوب، شیرانی، بارکھان، خضدار، قلعہ عبداللہ
• سندھ: کراچی، سکھر، لاڑکانہ، شہید بینظیر آباد، دادو، جیکب آباد، جامشورو
• شمالی علاقہ جات: گلگت بلتستان اور آزاد کشمیر کے مختلف علاقے
محکمہ موسمیات نے خبردار کیا ہے کہ بارشوں کے باعث پہاڑی علاقوں میں لینڈ سلائیڈنگ اور نشیبی علاقوں کے زیرآب آنے کا خدشہ ہے۔ خاص طور پر مردان، ایبٹ آباد، مانسہرہ اور دیر میں لینڈ سلائیڈنگ کے امکانات زیادہ ہیں۔
عوام کو ہدایت کی گئی ہے کہ بارشوں کے دوران غیر ضروری سفر سے گریز کریں اور محفوظ مقامات پر رہیں۔ متعلقہ ادارے ہنگامی صورتحال سے نمٹنے کے لیے الرٹ ہیں۔
یہ سلسلہ 25 سے 27 اگست تک جاری رہنے کا امکان ہے، جس کے دوران شدید بارشیں مختلف علاقوں کو متاثر کر سکتی ہیں۔ عوام سے اپیل ہے کہ محکمہ موسمیات کی ہدایات پر عمل کریں اور احتیاطی تدابیر اختیار کریں۔
