قطر پر اسرائیلی حملے کے بعد عالمی ردعمل، ٹرمپ کی ناراضگی
چہرہ ڈیسک
قطر پر اسرائیلی حملے کے بعد عالمی ردعمل، ٹرمپ کی ناراضگی، عالمی رہنماؤںقطر پر اسرائیلی حملے کے بعد عالمی ردعمل،
قطر کے دارالحکومت دوحہ میں اسرائیل کی جانب سے حماس کے رہنماؤں پر فضائی حملے کے بعد عالمی سطح پر شدید ردعمل سامنے آیا ہے۔ امریکی اخبار کے مطابق صدر ڈونلڈ ٹرمپ نے اسرائیلی وزیراعظم نیتن یاہو سے رابطہ کیا اور حملے سے قبل اطلاع نہ دینے پر ناراضگی کا اظہار کیا۔ ٹرمپ نے کہا کہ قطر میں حماس کو نشانہ بنانا مناسب اقدام نہیں تھا، جبکہ نیتن یاہو نے مؤقف اختیار کیا کہ حملے کا موقع مختصر تھا جسے استعمال کیا گیا۔
عالمی مذمت:
- فرانسیسی صدر نے امیر قطر سے رابطہ کر کے حملے کو ناقابل قبول قرار دیا اور اسے قطر کی خودمختاری کی خلاف ورزی کہا۔
- روسی وزارت خارجہ نے حملے کو اقوام متحدہ کے چارٹر کی خلاف ورزی قرار دیتے ہوئے خبردار کیا کہ یہ اقدام خطے میں مزید تصادم اور عدم استحکام کا باعث بن سکتا ہے۔
- برطانوی وزیراعظم کیئراسٹارمر نے اسرائیلی صدر سے غزہ کی صورتحال پر تشویش کا اظہار کرتے ہوئے مطالبہ کیا کہ اسرائیل جارحانہ کارروائیاں روکے اور انسانی امداد کو غزہ پہنچنے دے۔
اسرائیلی حملے نے نہ صرف قطر کی سلامتی کو متاثر کیا بلکہ خطے میں امن و استحکام کے لیے خطرے کی گھنٹی بجا دی ہے۔ عالمی برادری نے اسرائیل سے تحمل اور بین الاقوامی قوانین کی پاسداری کا مطالبہ کیا ہے۔
