"کراچی بینالے ٹرسٹ کے دس سال، کے بی 27 کا اعلان: آج، گزشتہ کل، آنے والا کل"
سدرہ عارف
کراچی بینالے ٹرسٹ نے اپنے قیام کے دس برس مکمل ہونے پر گل جی میوزیم میں ایک شاندار پریس کانفرنس منعقد کی،
جہاں کراچی بینالے 2027 کا باضابطہ اعلان کیا گیا۔
یہ ایڈیشن 16 تا 31 جنوری 2027 تک نئے کیوریٹر نور احمد کی نگرانی میں "آج، گزشتہ کل، آنے والا کل" کے عنوان سے منعقد ہوگا۔
تقریب میں صدر عتیقہ ملک اور مینیجنگ ٹرسٹی شہناز رمزی کا تعارف کرایا گیا، جبکہ آرٹسٹک ڈائریکٹر بشریٰ حسین نے سابقہ بینالوں کی جھلکیاں پیش کیں۔
شہناز رمزی نے اپنے خطاب میں کہا کہ "کراچی بینالے ٹرسٹ کی دس برس کی تکمیل اس حقیقت کی روشن دلیل ہے کہ مسلسل ثقافتی اشتراک کسی شہر کی شناخت اور سمت کو کس طرح سنوار سکتا ہے۔"
پریس کانفرنس کے بعد امین گل جی اور نور احمد کی کیوریٹری میں "آج اور کل" کے عنوان سے ایک روزہ نیو میڈیا اور انسٹالیشن نمائش پیش کی گئی،
جس میں 18 ممالک کے 72 فنکاروں کے کام شامل تھے۔ یہ پرفارمنس کراچی بینالے 2027 کے باضابطہ کاؤنٹ ڈاؤن کا آغاز تھا۔
