کراچی میں دوہزار اکیس،،، مقدمات کے اندراج میں گزشتہ سال سے بازی لے گیا۔
عدنان اطہر
کراچی میں دوہزار اکیس،،،
مقدمات کے اندراج میں گزشتہ سال سے بازی لے گیا۔ دوہزار اکیس میں اب تک اناسی
ہزار سے زائد مقدمات درج ہوئے ہیں ۔ساڑھے چار سو قتل اور ساڑھے پانچ سو سے
زائد اقدام قتل کے مقدمات ہیں۔ سال دوہزار
بیس میں چھپن ہزار سے
زائد مقدمات درج ہوئے تھے۔
کراچی میں سال 2021 میں
گزشتہ سال کےمقابلے میں درج ہونے والے مقدمات کی تعداد میں 14 ہزار کا اضافہ ہوا
۔شہر میں مختلف وجوہات کی بنا پر اغوا کے
ء 2600 مقدمات درج ہوئے جبکہ گزشتہ برس یہ تعداد 1950 تھی۔ اغواء برائے
تاوان کے 39 کیس رپورٹ ہوئے جبکہ 2020 میں یہ تعداد صرف 20 تھی ۔مختلف علاقوں میں
فساد پھیلانے کے الزا م میں 1120 مقدمات
کا اندراج کیا گیا۔
شہر میں چوری کی وارداتوں میں بھی اضافہ دیکھنے میں آیا ۔سال 2020 میں
گھروں ،دکانوں اور گاڑیوں سے چوری کے 1300 کے قریب کیسز درج ہوئے جبکہ 2021 ان کی
تعداد 1700 تک جا پہنچی ہے۔ گھروں اور دکانوں میں کیش چوری کے 550 سے زائد
مقدمات درج ہوئے جبکہ گزشتہ برس تعداد 500 تھی ۔دیگر مختلف نوعیت کے جرائم پر 16060
کیسز درج کئے گئے،، جو گزشتہ برس کی نسبت کم رہے ۔
گزشتہ برس کے مقابلے میں2021 میں موٹرسائیکل چوری اور
چھیننے کی وارداتوں میں نمایاں
اضافہ ہوا۔ گزشتہ سال شہر سے 10 ہزار موٹرسائیکلیں چھینی و چوری کی گئی تھی جبکہ
سال 2021 میں یہ تعداد بڑھ کر 29 ہزار تک جاپہنچی ہے۔
