ملیر سے سعود آباد،ماڈل کالونی سے شا ہ فیصل کالونی ۔

عدنان اطہر

17:05 2022, 16 October

کراچی کا حلقہ این اے دوسو انتالیس مختلف آبادیوں پر مشتمل ایک گلدستہ ہے

پانی ،بجلی، گیس،سیوریج، تباہ حال انفرااسٹرکچر،،، کون سا مسئلہ ہے جن کا ان علاقوں کے مکینوں کو سامنا نہیں۔

ملیرسےسعود آباد ۔۔اوراردونگرتک سڑک ترقیاتی کام کیلئےکھودی گئی،، جو آج تک مکمل نہ ہوسکی۔

حلقہ این اے239میں شامل اکثرعلاقوں کی سڑکیں مکمل یا پھرجزوی طورپرٹوٹ پھوٹ کاشکارہیں۔۔ سیوریج لائنوں کی تنصیب کےکام آغازہوا۔۔ لیکن رفتارایسی کہ انتظامیہ تعمیراتی سامان سڑک پر رکھ کر۔۔ کام کرنا بھول گئی۔

یہ ماڈل کالونی کی اہم سڑک ہے۔ گڑھےاتنےگہرےکہ اگرکسی طورگاڑی کا پہیہ گڑھےمیں چلاگیا،،، تو مالی ہی نہیں ،،، جانی نقصان کا خدشہ بھی لاحق رہتا ہے۔۔

یہاں کچھ کچےعلاقےاورگوٹھ بھی قائم ہیں۔۔ جہاں سڑکوں اورسیوریج کانظام انتہائی بوسیدہ ہوچکا ہے۔۔ جگہ جگہ بہتا گندہ پانی اورگٹرکی نشاندہی کیلئےلگائی گئی کرسیاں اورڈنڈےعلاقےکی حالت بیان کررہےہیں۔۔

حلقہ میں بجلی کی کئی گھنٹوں تک آنکھ مچولی معمول کی بات ہے،، گیس کی بلاتعطل ترسیل سردی میں توچھوڑئیے گرمیوں میں بھی دستیاب نہیں۔۔

شاہ فیصل کالونی میں بھی مرکزی اوررہائشی علاقوں کی سڑکوں کی ازسرنوتعمیرتوچھوڑئیےاسترکاری بھی کئی سال سےنہ ہوسکی۔۔ٹوٹی سڑکوں کا ملبہ بھی بیچ وبیچ جمع ہےجوٹریفک کی روانی میں خلل ڈال رہا ہے۔۔

مکین کہتےہیں کہ ماضی کےانتخابات میں ایم کیوایم ۔۔ تحریک انصاف ۔۔ پیپلزپارٹی سمیت کئی جماعتوں کےامیدوار۔۔ یہاں سےجیتےضرورلیکن نہ توکوئی نیا تعلیمی ادارہ قائم ہوا،، اورنہ صحت کےبنیادی مراکزبن سکے۔۔

ووٹرز کہتےہیں کہ اس بار انتخابات میں ووٹ کا استعمال سوچ سمجھ کرہی کریں گے