کراچی شہری سہولیات کا جنازہ

عرفان علی

18:54 2022, 19 January
کراچی شہری سہولیات کا جنازہ

کراچی میں یوں تو شہری سہولیات کا جنازہ نکل چکا ہے،،،لیکن کیماڑی بُھٹہ ویلیج میں سیوریج کے پانی سے بھر ی سڑک پر خاتون کا جنازہ گزرنے کی ویڈیو نے عوام کو جھنجھوڑ ،، کر رکھ دیا۔ویڈیو وائرل ہونے کے باوجود انتظامیہ کو ہوش نہیں آیا، اور صورتحال جوں کی توں ہے۔کیچڑ سے اٹی گلیوں،سڑکوں،اسکول میں علاقہ مکین کیسے گزارا کررہے ہیں،،،

ابلتے گٹر۔ بدبودار پانی اور کائی ۔ یہ کیماڑی بھٹہ ولیج کی مرکزی سڑک ہے ،، جسے یہاں سے منتخب نمائندوں نے پیرس بنانے کا وعدہ کیا تھا۔

گزشتہ دنوں یہاں سے ایک خاتون کا جنازہ گزرنے کی ویڈیو وائر ل ہوئی،،، تو جیسے طوفان مچ گیا۔ عوام نے شدید غم و غصہ کا اظہار کیا۔

لیکن انتظامیہ اور حکمران تو گویا ،، جیسے میٹھی نیند سے جاگنے پر آمادہ ہی نہیں۔ واقعہ کو چوبیس گھنٹےگزر گئے،، لیکن حالات جوں کے توں ہیں۔

مقامی افراد کہتے ہیں نا علاقے میں ایمبولنس پہنچ پاتی ہے نا ہی میت کی منتقلی آسان ہے۔ مسجد تک پہنچنا بھی کسی امتحان سے کم نہیں ہے۔

بچوں کو اسکول مدرسے جانا ہو،،، خواتین کو کام سے نکلنا ہو،، یا مردوں کو کام کاج سے جانا ہو،، تو ان پر یہ مصرع صادق آتا ہے ۔۔

انہیں پتھروں پہ چل کر اگر آسکو تو آو۔

علاقے کا اسکول بھی جوہڑ کی صورت اختیار کرچکا ہے ۔عین باہر کھولا گیا نالہ ،، اسکو ل آنے والے بچوں کے لئے خطرے کا باعث ہے۔

بُھٹہ ولیج سے قومی اسمبلی کی نشست این اے 248 سے پیپلز پارٹی کے قادر پٹیل جبکہ صوبائی اسمبلی کی نشست پی ایس ایک سو تیرہ سے پی ٹی آئی کے شاہنواز جدون کامیاب ہوئے تھے۔

ایک جماعت وفاق تو دوسری سندھ میں برسراقتدار ہے ،،لیکن پسماندہ بستی کے مکین اب تک اپنا حال بدلنے کے منتظر ہیں۔