کم سن بچے کے سامنے ماں قتل ، ملزم گرفتار
چہرہ ڈیسک
سوات تھانہ بنڑ پولیس نے اپنے کمسن بیٹےکے سامنے اپنی ہی بیوی کو بے دردی سے قتل کرنے والا ملزم گرفتار، آلہ قتل پستول برآمد۔
اس حوالے سے ایڈیشنل ایس پی سوات غلام صادق خان نے تھانہ بنڑ میں میڈیا کو بریفنگ دیتے ہوئے کہا کہ اج صبح تھانہ بنڑ کے حدود میں ایک دلخراش واقعہ رونما ہوا ۔
ظالم شوہر نے اپنے کمسن بچے کے سامنے اپنی ہی اہلیہ پر فائرنگ کر کے اسے قتل کر دیا۔
اور جائے وقوعہ سے فرار ہوا تھا،
انہوں نے کہا کہ واقعے کا نوٹس لیتے آر پی او ملاکنڈ محمد علی خان اور ڈی پی او سوات شفیع اللہ گنڈاپور نے مجھے فوری طور پر قتل میں ملوث ملزم کو گرفتار کرنے کا ٹاسک سونپ دیا،
ڈی ایس پی سٹی امجد خان، ایس ایچ او تھانہ بنڑ جہان عالم خان و دیگر پولیس پر مشتمل ایک خصوصی ٹیم تشکیل دی
بروقت کارروائی کرتے ہوئے اپنی اہلیہ کے قتل میں ملوث ملزم اختر علی آلہ قتل سمیت ایک گھنٹے کے اندر اندر گرفتار کرلیا۔
وجہ عناد شوہر بیوی کے درمیان گزشتہ کئی سالوں سے گھریلوں ناچاقی کی کیس عدالت میں زیر سماعت تھا۔
