نو منتخب وزیراعلیٰ سندھ مراد علی شاہ نے عہدے کا حلف اٹھالیا۔ چیئرمین پیپلز پارٹی بلاول بھٹو، نگراں وزیراعلی سندھ مقبول باقرا ور غیر ملکی سفارت کار بھی تقریب میں شریک ہوئے ۔
نو منتخب وزیراعلیٰ سندھ مراد علی شاہ نگران وزیراعلیٰ سندھ جسٹس ریٹائرڈ مقبول باقر کے ہمراہ گورنر ہائوس پہنچے۔گورنر سندھ کامران ٹیسوری نے ان کا استقبال کیا۔ تقریب حلف برداری میں چیئرمین پیپلزپارٹی بلاول بھٹو زرداری نے بھی شرکت کی۔ گورنر سندھ اور نومنتخب وزیراعلی نے ان کا خیرمقدم کیا۔ گورنر ہاوس میں منعقدہ سادہ اور پروقار تقریب میں گورنر سندھ کامران ٹیسوری نے نو منتخب وزیراعلیٰ سندھ مراد علی شاہ نے عہدے کا حلف لیا۔ تقریب میں اسپیکر سندھ اسمبلی اویس قادر شاہ، ڈپٹی اسپیکر نوید انتھونی ، فریال تالپور،قائم علی شاہ،سراج درانی،شرجیل میمن، امتیاز شاہ اور دیگر پارٹی ارکان اسمبلی بھی موجود تھے۔ چیف سیکریٹری سندھ ڈاکٹر فخر عالم ، صوبائی سیکریٹریز، آئی جی پولیس رفعت مختار اور دیگر اعلیٰ افسران کے علاوہ غیر ملکی سفارت کار بھی شریک تھے۔
چہرہ ڈیسک 
