صوبائی وزیر اطلاعات شرجیل انعام میمن نے کہا ہے کہ پشاور میں پاکستان تحریک انصاف انٹرنیشنل سرکس کمپنی کا حشر دنیا نے دیکھ لیا
چہرہ ڈیسک
صوبائی وزیر اطلاعات شرجیل انعام میمن نے کہا ہے کہ پشاور میں پاکستان تحریک انصاف انٹرنیشنل سرکس کمپنی کا حشر دنیا نے دیکھ لیا ، ایک شخص نے بھی پولیس کی مہمان نوازی قبول نہیں کی ، پولیس مائیکرو فون پر پشاور ، ڈی آئی خان اور دیگر علاقوں میں جیل بھرو تحریک کی دعوتیں دیتی رہی
اپنے بیان میں انہوں نے کہا کہ پی ٹی آئی رہنما اور ایم پی ایز پولیس کی گاڑیوں کے ساتھ سیلفیاں لیتے رہے، عمران خان کے ٹائیگر پولیس کو دیکھ کر رفو چکر ہوتے رہے ، صوبائی وزیر نے کہا کہ یہ لوگ ایک طرف جیل بھرو تحریک کی بھڑکیں مارتے ہیں ، 24 گھنٹے نہیں گذرتے ان کے خاندان ان کی بازیابی کے لیے ہائی کورٹ پہنچ جاتے ہیں ، انہوں نے کہا کہ تحریک انصاف انٹرنیشنل سرکس کمپنی کا آج پڑاؤ راولپنڈی میں ہے، عمران خان کی پروڈکشن اور شیخ رشید کی ڈائریکشن میں سرکس کمپنی اپنا تیسرا شو پیش کر رہی ہے، صوبائی وزیر نے کہا کہ عمران خان نے راولپنڈی میں پی ٹی آئی کے اصل رہنماؤں کو سائیڈ لائن کر کے تمام اختیارات شیخ رشید کے حوالے کر دیئے ،
